陞記刀削麵

营业中

休息中

是日出深水埗买嘢，途经见到呢间刀削面店，门面干净光猛，就一于入去医下肚。餐厅有唔同嘅刀削面选择，汤、冷或热拌都有，仲有好多款小食，真系花多眼乱。四川担担汤刀削面 :相当大碗，配料拣咗猪软骨及贡丸，面头淋上担担酱，刀削面条烟韧弹牙，担担酱令鲜甜嘅汤底增添一份香辣，食落好惹味。另外特别推介猪软骨，煮得好淋好入味，吸收埋担担汤更加好味。麻酱手撕鸡 :手撕鸡无骨啖啖肉，肉质鲜嫩唔鞋，芝麻酱好香浓，配埋垫底嘅青瓜丝食，感觉完全唔油腻。刀削面餐送热饮，饮咗好耐无饮过嘅利宾纳，十分满足。