影片
更多
2023-08-20
1337 浏览
🎱卡肥，出场啦！熊妹太耐冇带卡肥出嚟食嘢啦！今次特登拣间日式轻食店《宏》，有卡肥最爱的蛋包饭同熊妹最爱的抹茶芭菲，咸鱼青菜，各有所爱！💕📌位于尖沙咀美丽华广场4楼的《宏》系一间日式轻食餐厅，地方都几大下，装修行日式简约风，以白色同木系为主，感觉好鲜明，楼底高好开扬，有好多张四人枱，仲有好多张可坐多人嘅梳化枱，枱与枱之间都有好大段距离，感觉上坐得好舒服，就算熊妹讲嘢大声少少都唔怕比隔离听到。📌餐牌主食有日式蛋包饭🍛、意粉🍝、乌冬🍜同埋定食🍱，会附送日式沙律或者面豉汤🍵，价钱由$138至$168 ，加$50可以转套餐，包咖啡或者茶同埋一件小卷蛋，最后收埋加一服务费。⤴️📌《宏》主打的轻食有日式小食扬物，仲有招牌甜品日式雪糕、日式卷蛋同窝夫，食完主食仲可以食甜品，真系大快朵颐。😋日式汉堡扒蛋包饭， $138📌曾经，日式蛋包饭🍛系卡肥的常餐，可以话都试尽各款口味菜式的蛋包饭。汉堡包好厚实超大一块，咬落去啖啖肉，绝对真材实料唔野少，配浓味烧汁真系好惹味。蛋包饭外皮包咗一层蛋皮🍳，煎熟左的蛋皮咬落去比较实在，唔系带蛋汁个款流质性，变成煎熟咗蛋香味重啲。一般嘅蛋包饭都可能会用上白饭🍚，多数就系靠啲酱汁
🎱卡肥，出场啦！熊妹太耐冇带卡肥出嚟食嘢啦！今次特登拣间日式轻食店《宏》，有卡肥最爱的蛋包饭同熊妹最爱的抹茶芭菲，咸鱼青菜，各有所爱！💕
📌位于尖沙咀美丽华广场4楼的《宏》系一间日式轻食餐厅，地方都几大下，装修行日式简约风，以白色同木系为主，感觉好鲜明，楼底高好开扬，有好多张四人枱，仲有好多张可坐多人嘅梳化枱，枱与枱之间都有好大段距离，感觉上坐得好舒服，就算熊妹讲嘢大声少少都唔怕比隔离听到。
📌餐牌主食有日式蛋包饭🍛、意粉🍝、乌冬🍜同埋定食🍱，会附送日式沙律或者面豉汤🍵，价钱由$138至$168 ，加$50可以转套餐，包咖啡或者茶同埋一件小卷蛋，最后收埋加一服务费。⤴️
📌《宏》主打的轻食有日式小食扬物，仲有招牌甜品日式雪糕、日式卷蛋同窝夫，食完主食仲可以食甜品，真系大快朵颐。😋
日式汉堡扒蛋包饭
24 浏览
0 赞好
0 留言
📌曾经，日式蛋包饭🍛系卡肥的常餐，可以话都试尽各款口味菜式的蛋包饭。
汉堡包好厚实超大一块，咬落去啖啖肉，绝对真材实料唔野少，配浓味烧汁真系好惹味。
蛋包饭外皮包咗一层蛋皮🍳，煎熟左的蛋皮咬落去比较实在，唔系带蛋汁个款流质性，变成煎熟咗蛋香味重啲。
一般嘅蛋包饭都可能会用上白饭🍚，多数就系靠啲酱汁吊味。《宏》的蛋包饭系有惊喜架！佢系用咗西炒饭做饭底，西炒饭系用上茄汁、喼汁等等嘅调味料炒埋一碟，令到就咁食个炒饭都会好有味，而且仲有啲菇做配料，又唔系食白饭咁挂。如果想湿润啲又可以点埋烧汁一齐食，由于用咗西炒饭做饭底，就可以同木一身配上的烧汁更为撘配，代替原本一般蛋包饭用嘅茄汁，咸中带点酸甜，多一重酱汁嘅味道，食得出《宏》喺材料配搭方面有用多一点心思，唔错。
仲跟上嘅餐前日式沙律🥗，有啲椰菜丝、粟米粒🌽同埋蕃茄仔🍅，捞埋日式芝麻酱，酸酸甜甜非常开胃。
牛肉寿喜烧定食
$168
27 浏览
0 赞好
0 留言
📌好少日式轻食店会有牛肉寿喜烧呢款定食，而且价钱仲要系百零蚊，一定要点嚟试吓啦。
首先店员会递上一个迷你铁炉，点着火🔥，喺上面就可以慢慢煲热著牛肉寿喜烧锅🥘。
牛肉寿喜烧锅嘅汤底系偏甜嘅火锅汤，有五六片大片火锅牛肉，肥肉位唔多，差唔多只在边缘。首先，将跟上的日本生蛋🥚打匀，变成一碗生蛋汁，再夹起一片滚热嘅牛肉片，沾上蛋汁，热呼呼的牛肉片上的热力可以令蛋汁沾满牛肉面上，形成蛋浆黎食，食落口滑潺潺又软熟的牛肉，本身已带有浸满偏甜火锅汤汤味，呢个就系牛肉寿喜烧嘅滋味。
锅物入边仲有几旧冬菇🍄、甘笋🥕、日本大葱、嫩豆腐同埋娃娃菜，配料连汤捞落饭一齐食，系非常送饭嘅𩠌菜。
跟餐仲有一碗面豉汤🍵，入边有油豆腐同海带片，唔算话好咸，食饭前暖一暖胃，就系日本定食嘅特色。
小食拼盘
$98
30 浏览
0 赞好
0 留言
叫咗两款煮食，都想食啲炸物小食咬下口🍢，过吓瘾，小食拼盘有齐明太子鸡翼、炸鸡软骨粒、炸花枝饼同炸芝士圈，全部都啱食又可以试多几款。
拼盘份量都几多下，明太子鸡翼有两只，鸡翼外皮揸到金黄色，鸡肉入边酿咗啲明太子酱，辣辣地，连埋鸡肉一齐食，啖啖肉同平时要食拆骨嘅鸡翼好唔同。
炸花枝饼同炸芝士圈都有三四件，炸鸡软骨粒有一大堆，各款炸物炸皮唔算厚，咬落去香口，点埋跟上嘅明太子酱一齐食，呢款小食咁惹味，食吓食吓真系食到停唔到口。👅
抹茶芭菲
$78
16 浏览
0 赞好
0 留言
📌食咗咁多咸食，当然要点返个饭后甜品先大完🈵喇。其实熊妹都系冲着《宏》呢款招牌抹茶芭菲而来，真系好期待！
芭菲特独特之处就系望落去以为只系一杯软雪糕🍦，但系食食吓就会发现一层一层嘅惊喜😍，食完一层嘅配料又会再发现下一层嘅配料，而且会不断同软雪糕捞埋一齐食，有好多种材料好多种味道，所以熊妹最喜爱就系呢款甜品 ，而《宏》的抹茶芭菲真心多不同款的配料之余仲要系大大份，熊妹极力推介给喜欢吃芭菲的朋友。
抹茶控，抹茶婊，抹茶熊嘅熊妹对住呢款抹茶芭菲真系招架不住！首先，卖相已经惊喜到晕！呢款新推出嘅夏日芭菲，主角除咗有抹茶软雪糕，入面仲有牛奶雪糕，下面配料包含咗一层粟米片一层抹茶啫喱，侧边包围着好多粒抹茶糯米糍，最特别既系有一件抹茶小卷蛋同抹茶macaron，成杯抹茶芭菲真系抹茶到晕，抹茶雪糕抹茶味香浓，连埋各款抹茶味嘅配料，绝对满足到抹茶爱好者。
📌熊妹做错了，真的做错了😞，熊妹唔应该当呢杯抹茶芭菲系饭后甜品，应该做饭前甜品，甚至系呢餐食嘅主食，咁就可以让胃的每一个角落同舌尖上的味蕾尽情咁享受到呢杯抹茶芭菲的美味。
草莓慕丝蛋糕
$42
14 浏览
0 赞好
0 留言
真系估唔到原来《宏》有同《香港遗传性乳癌家族资料库》合作，推广「Pink Desserts 2023」，就系推广餐厅有几款指定的粉红甜品，售卖款项嘅一半会捐去资料库为高风险嘅遗传性癌症人士作为研究基金的用途，有得食又有得做慈善，何乐而不为？😝
草莓慕丝蛋糕都好大一件，直程有一个饭碗咁大，唔系hightea𠮶啲细件甜品。粉红色卖相好吸引，外表一个粉红半圆球就系有忌廉慕丝组成，士多啤梨味🍓酸酸甜甜冇药水味，食落去好mossy好creamy，唔会话落咗好多鱼胶粉好胶好实，而且仲有一层士多啤梨酱，再添多一重酸甜嘅效果，饼底系软淋的曲奇饼底🍪，同埋软绵嘅慕丝一齐食落去又几夹。
日本绿茶-玉露
$28
9 浏览
0 赞好
0 留言
食完咁多炸物，饮返杯日式热茶绝对可以解下油腻。好惊讶嘅系《宏》竟然有熊妹平时去便利店都会买开嘅淳茶舍-玉露。熊妹点解咁钟意饮玉露🍃，因为佢系淡味绿茶之余又好重煎香嘅茶味，饮落去茶叶嘅回香味仲会停留喺鼻腔入边，但系又冇红茶咁浓味，大爱。💓
📌《宏》无论主食、小食、甜品、饮品味道，卖相，份量都一样有惊喜，熊妹味蕾大满足之余，卡肥又顶住个大肚离开，系一间值得推介嘅日式轻食餐厅。
张贴
