影片
更多
2008-07-03
6 浏览
上个月去食,系因为睇到蔡lan在壹周刊的食评.其实我唔系咁钟意食车仔面,所以叫咗个粥餐($26),一碗粥加菜,饮品或者煎肠粉.阿妹碗车气面叫做okay啦,最好食系萝卜.我个餐碗粥,比我想像中好味(食后唔口干,证明味精唔多),但碟肠粉呢,哇.....! 点解咁好味ge? 唔理个肚有几饱,一于整多碟先点知阿姐话斋叫一碟肠粉成三十几蚊......,我地有啲犹疑,「系咪好大碟架?」「咪同你地头先食𠮶碟一样啰.」我地心谂咁贵ge,唔叫就算啦.不过犹自心思思.「不如叫个餐吖」又惊食唔哂,折堕.于是问阿姐:「可唔可以叫粥餐,但唔食粥,净食肠粉加奶茶?」「梗得啦」唉!你早啲讲,我地两个就唔使考虑咁耐啦.昨日再帮衬,决心叫个招牌鸡翼炒丁($42)&.....粥餐自由配搭版的"肠粉加奶茶"($26)....今次知埞啦肠粉先到,个卖相,哇!仲靓过上次,煎得带焦的肠粉上面舖满青葱,虾米,鸡蛋. 比酒楼啲斋煎粉好几万倍,我觉得最简单ge𩠌其实最难整,一碟咁普通的肠粉可以变成咁色香味俱全的美食 应该花咗唔少心思,10个赞.碟炒丁不愧系佢的镇店名菜,一啲都冇失礼佢ge招牌,我地叫的size是例牌,已经好大碟,有
其实我唔系咁钟意食车仔面,所以叫咗个粥餐($26),一碗粥加菜,饮品或者煎肠粉.
阿妹碗车气面叫做okay啦,最好食系萝卜.我个餐碗粥,比我想像中好味(食后唔口干,证明味精唔多),但碟肠粉呢,哇.....! 点解咁好味ge? 唔理个肚有几饱,一于整多碟先
点知阿姐话斋叫一碟肠粉成三十几蚊......,我地有啲犹疑,「系咪好大碟架?」「咪同你地头先食𠮶碟一样啰.」我地心谂咁贵ge,唔叫就算啦.不过犹自心思思.「不如叫个餐吖」又惊食唔哂,折堕.于是问阿姐:「可唔可以叫粥餐,但唔食粥,净食肠粉加奶茶?」「梗得啦」唉!你早啲讲,我地两个就唔使考虑咁耐啦.
昨日再帮衬,决心叫个招牌鸡翼炒丁($42)&.....粥餐自由配搭版的"肠粉加奶茶"($26)....今次知埞啦
肠粉先到,个卖相,哇!仲靓过上次,煎得带焦的肠粉上面舖满青葱,虾米,鸡蛋. 比酒楼啲斋煎粉好几万倍,我觉得最简单ge𩠌其实最难整,一碟咁普通的肠粉可以变成咁色香味俱全的美食 应该花咗唔少心思,10个赞.
碟炒丁不愧系佢的镇店名菜,一啲都冇失礼佢ge招牌,我地叫的size是例牌,已经好大碟,有四只鸡翼,足够两个女仔share有突,(好在冇听佢讲要大碟啫),碟面除咗鸡翼之外,仲有好多惹味的洋蒽葱,芽菜,九菜,辣椒,蛋丝,食完个碟底系干的,一滴油都冇,你话个师傅功力几劲.
至于待应的态度,系有啲神神化化,讲埋啲烂gag,不过我又唔系好介意,冇恶意就得啦,旺角龙蛇混集,可以系咁至生存到啩,我估.
张贴