山東餃子館

营业中

休息中

寻日五点半系顺宁道放工，见呢间店的食评都唔错，又近近地，所以就同女朋友去试下。间舖头真系好细间，我地去到个阵都几多人，岩岩有两个位，就坐低叫野。我叫左个白菜马蹄饺面，我女朋友叫左个蕃茄饺面，再叫多个凉拌青瓜。首先黎的系凉拌青瓜，食落去好脆口，入边加左少少盐同埋麻油，都几好食架，又抵食，推荐。之后黎左正餐，食落去d饺都几新鲜，d马蹄都几爽，d肉冇雪水味，d面几弹牙，唔错。蕃茄饺面有蕃茄，但系冇咩蕃茄味，不过味道都算可以接受。呢间店如果环境干净些少，大些少就更加好喇。不过番食的机会好大，因为又经济，而且好多饺都仲想试下。