悠蔬食 (渣甸中心) (已結業)

又一个加班既晚上，本身约咗个朋友食饭都差啲迟到，挂住做都无晒胃口，即刻想食啲健康既嘢平衡翻。好彩个朋友都系素食者，佢揾咗呢间铜锣湾嘅上楼素食餐厅。我地主要嗌咗个蜜汁脆鳝、黑松露薯蓉焗大啡菇同埋焗千层面。初时听倒蜜汁脆鳝就好好奇，心谂究竟会用咩素食黎煮，点知等一阵就到咗，谁不知已经即时有股香味涌上黎，大厨用咗菇类去做鳝，成个菜好有质感同咬口，食落完全好似真系食紧鳝咁。大厨用蜜汁紧扣住菇类，而且菇类偏硬身，配合猛火快炒既烹调技巧，食落甜甜地，好好味。再黎个焗大啡菇先系重点，大啡菇真系手掌咁大，总共有三个，都几饱肚㗎。黑松露个味系高温烤焗既情况下，味道都好出，而且伴住薯蓉食，感觉好新鲜。