Lion Rock (已結業)

黄氏力墙第一次写食评就系写呢一间酒店嘅半自助午餐啦！我带着我最爱的女儿一齐啦去食餐饱！我个女儿超级钟意，因为食物嘅种类10分之多！我已经影晒俾大家睇啦！仲有罗宋汤以及杏仁茶冇影俾大家睇！全部食物嘅质素都系中上非常之好，沙律十分之新鲜，而且调味唔会十分之浓。呢一度新鲜为主打，所以带住我嘅女儿喺呢一度食嘢食得安心又放心！三岁以下嘅小朋友系唔收费架！其实呢一度食嘢都好旺场㗎，如果大家真系呢一度食一定要留位先至好呀，当日系星期五嘅下昼，差唔多有九成嘅入座率啊！呢一度食嘢真系用料一流及新鲜！而且位置喺火车站楼上，环境光猛，食得舒适坐得舒适，最值得赞嘅就系呢度嘅服务员态度非常非常之好！所以佢哋俾咗一份评分表格我，我都写非常之满意!其实佢嘅餐牌上边有好多唔同嘅选择，我哋选择咗点心拼盘以及叉烧乳猪饭！呢两个系最多人叫嘅，而且可以睇到师傅嘅厨艺，大家都知呢间酒店嘅中厨部系好出名㗎啦！食完之后佢哋会送返一张优惠券给你，提供八折优惠喺限期之内再食！