喜聚坊

营业中

休息中

咁啱系大角咀做完嘢，又见落大雨，行行下见到呢间餐厅，就决定入去食𠮶午餐同避一避雨。🔎 秘制咖喱牛肋饭（$60）一上枱，闻到劲香~职员话咖喱胆用三十种香料煲左6个钟。咖喱食落甜甜地，辣度对我黎讲辣左少少，不过好惹味，送饭一流～牛肋粒炆得好冧，配菜有薯仔🥔同红萝卜🥕🔎 竹筒马友蒸豉汁鲜排骨（$60）呢个绝对有惊喜～竹筒既饭食落软硬适中，马友带咸香，不会净系得𠮶咸字，连平时少食咸鱼既我都觉得正～排骨系鲜排骨，腌得好入味，食落唔会嚡口～🔎 金银菜猪骨汤职员话煲左6个钟，睇落非常足料，味道十分浓郁，好饮~🔎 港式花香奶茶（跟餐+$6）花香奶茶系呢间餐厅既特色之一，奶茶饮落真系有花香味，好特别~