紫蝶花 (已結業)

将中大翻身之后真系开咗好多餐厅，身为街坊不停试新餐厅，真系几开心，唔使食到咁闷，今次又来试第二间，睇中佢都系因为佢价钱合理，二人套餐都系二百零蚊有好多嘢食，所以同老公一于试吓。叫套餐最好嘅地方就系唔使谂，同埋上菜好快，我哋薄单大概5分钟就已经食得，不过唔系上菜快就代表啲嘢食冻㖞。首先讲下呢碟煎萝卜糕，切成一粒粒一啖一口够晒方便，萝卜糕煎到外面脆脆地，入面食到有萝卜丝配埋炒蛋一齐食，辣辣地真系好食，如果呢碟萝卜糕冻咗应该会冇咁美味，所以上菜快，估唔到一样可以保持新鲜𩠌菜热呼呼上枱。炒菜好大碟，马拉盏通菜最钟意系食到微辣，啲菜好新鲜呀，够爽，最钟意食菜嘅老公都话呢碟菜炒得非常之好海南鸡虽然系冻食，但系鸡肉非常嫩滑，唔系讲笑真系好滑，而且有鸡味，配埋三款酱汁加埋油饭一齐食，出面食一碟海南鸡饭都百几蚊啦，呢度成个场都系二百几，所以真系抵食㖞。我原本都差不多饱，但老公闻到隔离枱食紧黑胡椒炒蟹，不过我哋两个人食唔到一只蟹，但系想试吓个味，所以我哋就叫咗黑胡椒炒虾，食落都几难辣，不过我不嬲唔食得辣但系都接受到，好香黑胡椒味，啲虾虽然唔系非常大只，但系正常中虾size，食落口都好弹牙，最紧要酱汁非常惹