金記冰室 (形薈)

营业中

休息中

筲箕湾啱啱开咗间新茶餐厅叫金记，见佢新店有新装修，仲好多人排队添。今个礼拜六就去试试，试吓佢哋嘅常餐，沙嗲牛公仔面跟奶茶，品质唔错仲有猪仔包加煎蛋，茶餐厅来讲水准唔错，食物都新鲜制作，热辣辣！今日食咗佢哋嘅干炒牛河，有镬气够味道，又唔会太油，最钟意佢其他配菜洋葱都炒得好香口。之后叫咗鲜茄浓汁焗猪扒饭，猪扒非常厚身有肉味够软身，又唔会一口化学味道，而且𠮶汁唔系普通蕃茄汁，食得出系用足蕃茄蔬菜熬出嚟，浓汁内仲少少西芹及其他蔬菜，上枱热辣辣，味道非常好。最后叫咗甜品金粒西多士，上枱热辣辣配上炼奶仲有一个雪糕，切成细细粒多士，更有蛋香又酥脆边。之后仲叫了杯雪糕红豆冰，红豆沙有粒状及红豆蓉，所以口感非常好，加埋雪糕又香又滑，最紧要唔会太甜。埋单都系$230，呢个价钱茶餐厅来讲真系好抵食，食得好饱值。侍应服务非常之到位，非常有交带，另外单点饮品的时候会帮你变成套餐，够细心，帮你悭唔少钱。