越．男

营业中

休息中

位于湾仔大王东街嘅小店，店内空间唔大，坐座唔多，系快餐店格局。每次都必叫combo set，主菜+小食+饮品先至$80真系好抵。而且combo set系全日供应。一向都好钟意食Pho, 香港都有好多好味嘅选择，而呢间个Pho都做得相当唔错。会安生牛肉汤河卖相好好，芫茜葱同香草都畀得慷慨。香草同芫茜葱都系越南牛肉河嘅精髓所在，将香草浸落热牛骨汤，香味慢慢融入汤底。牛骨汤清澈透明，牛肉呈粉红色而且厚薄度刚好，就算浸耐咗热汤咬落都唔会韧，牛肉味浓。河粉爽滑唔易断，份量唔算少。枱上面有提供青柠同辣椒，可以根据自己口味落落汤底。香茅猪扒法包卖相好靓，夹住好多芫茜，啱晒我呢啲好钟意食芫茜嘅人法包轻轻烘过，外脆内软唔会干，香茅猪扒够腍味道好。夹埋酸萝卜丝好好味。小食方面次次都拣香蒜牛油鸡翼同炸春卷。呢度个香蒜牛油鸡翼超好味，食落酥脆而且蒜味牛油味够，加配小食只得两只真系唔系好够喉。生牛肉河同越南法包都好味，帮衬过几次食物水准稳定。$80套餐好抵食，性价比非常高。