滿屋廚房 (已結業)

红磡Aeon开左之后，系黄埔食野又多左唔少选择！但见到food court好多人，结果误打误撞之下行左去附近觅食，于是就发现左Fullhouse啦！ 价钱黎讲我觉得叫接受到，唔算好贵！而且仲要冇加一，都几难得系黄埔揾到间冇加一既餐厅😂。海南鸡饭唔系讲笑，真系好多饭，油饭好香，啲鸡亦都几香。冇记错好似系$58左右，我觉得真系几抵食！我嗌左杯蜂蜜绿茶，但好似男朋友个杯巨峰梳打吸引啲。不过我好钟意绿茶底既爆珠。甜品我钟意黄色个个oreo布丁(?)，佢好香亦唔太甜。蓝色个个又棉花糖又椰丝，我觉得好。反而乳酪我觉得麻麻。卡邦尼意粉同梅子鸡翼 其实之后我有再帮衬多几次，佢个卡邦尼意粉真系唔话得！仲有梅子鸡翼，menu上面系冇既😂，出去嗌餐既时候有块牌上面写住。 帮衬过三四次，下次一定要试下佢啲鸡蛋仔。最后补充一句，店员都好有礼貌好客气。