Holly Brown (已結業)

Holly Brown #中环中学𠮶阵成日都食佢嘅炒雪糕，过咗咁多年而家连熟食都有埋，仲要都几高质！中环呢一间店最有上下两层，环境超大几舒服，真心唔错。Lunch set百零蚊就食到，仲要包埋餐汤/田园沙律、甜品、野饮，好抵食！西班牙慢煮乳猪 $168个乳猪真心外脆内软，有时会好惊乳猪个皮太硬搞到刮亲个口，但呢个真系脆卜卜𠮶只，而且乳猪啲就肉亦好淋，有少少肥肉一齐食，好甘香。牛油果鸡肉三文治 $128就连个三文治都有惊喜！佢个包好香芝麻味，外皮烘到脆脆地咁，好正！加上喺入面渣咗一啲甜甜地嘅酱，配埋啲鸡肉一齐食好正！牛油果嘅份量亦都唔少，成个食健康得来又饱肚！甜品方面仲有四款唔同嘅蛋糕可以拣，今次拣咗cappuccino mousse, mango coconut cheese cake!两个都同样好好味，特别系个cappuccino mousse，真系好香咖啡味，配上佢有朱古力味嘅饼底，好正！冇谂过lunch set配嘅甜品都整得咁好！而且𠮶日有南瓜汤饮，平时啲南瓜汤都会将啲南瓜加埋忌廉打到好蓉，但系呢个南瓜汤系真系会见到一丝丝嘅南瓜肉，真材实料。我真心强烈推介holly brown!