二撇雞

营业中

休息中

星期五收工系观塘做完运动，就系附近觅食～就嚟咗之前bookmark好耐嘅二撇鸡，去到门口已经有人龙排队，但人流都去得好快，排咗一阵就有位～本身想嗌花胶鸡米线但去到已经卖哂 转战生滚花胶云吞鸡米线🍜碗米线有好多料，包括有三块花胶、三只劲大嘅云吞、冇骨鸡食极都有同埋虫草花&云耳/木耳？汤底清，食完成个面再饮似饮紧屋企煲嘅汤，花胶软林林有淡淡嘅花胶味；云吞系劲大件，唔似平时食嘅云吞，馅系比较实净嘅肉馅包住两只虾，味道一啲都唔会腥，好大只食埋啲米线好快饱🤣鸡件虽然浸住汤上但唔会话煮好到好嚡口，口感依然好好👍🏼赞呢另外仲嗌咗毕生难忘炸鸡翼，同一粒溏心蛋🥚炸鸡翼好似我自己屋企平时炸嘅鸡翼，好香脆而又唔干；溏心蛋系酒渍，好重酒味，少少苦，我个人唔系好钟意，但好流心！