大哥雞飯去骨海南雞 (愛定商場(H.A.N.D.S) N區)

营业中

休息中

终于等到开张，即冲，果然无令人失望，食物有水准，服务专业，虽然太忙偶有错漏单，但极速处理。首选推介肉骨茶，平靓正，大碗足料味浓。一人套餐有主菜+饭+菜+汤+热饮，只系$72，单点大大碗嘅细肉骨茶至$38，仲无论套餐定单点都可以加$22追加一款小食，平平哋可以试多几款嘢，大肉骨茶连饭只系$65，超大碗又多料，够2人食，叫咗一个一人无骨海南鸡餐+细肉骨茶+2小食（凤爪+炸鱼饼），只系$154，两个人比较细食都饱晒，系附近首选性价比最高嘅食肆，好开心以后有新饭堂。而家仲有新张推广活动，喺 openrice 写食评送两个小食，fb/ig 出 story 送一款，所以我埋单减咗两个小食价钱，只要俾$110，超抵！第二晚又再去试唔同菜色，不过都系一个一人餐加肉骨茶同两款小食，无使用优惠，埋单就正价$154。