裕滿人家

营业中

休息中

好奇怪见到有评语话贵㖞!其实算又好味又平环境又比同区其他茶楼好好多㖞!我地十个人食lunch,叫到一枱都系,成二十五笼点心,再加一个套餐,食都食唔晒,打包左四盒,都只系二百几蚊,即系每人二十几㖞!真系好平!不过平得黎竟然好味!其中有好多值得推介!最正系千层马拉糕,无得顶,好松软!又唔会太甜,蛋王有味道但唔会过多,有三四层薄薄的,真系食完会想再食,尤其系一上枱热既时候仲正!一笼有三件,本来我地要两笼,但人人话好食,再打孖上要左四笼!呢味系人人赞口不绝!另外有系绿茶流沙包,比拉糕逊色,但都几有特色,本来见个包绿绿地色真系吓鬼死!后来知道系我钟意既绿茶味就即试,可惜等耐左唔热,无咁好食,而令我有些失望系绿茶味太少,唔系好食得出,馅系奶皇,亦觉较少,多d同再”流沙”d会好好多,呢味有少少同个名有出入啦!都系一笼三件,值得一试!另一个唔错系猪颈肉,用蜜糖整,一大碟好似好油咁,但原来大部份只系蜜糠而唔系油,本来个个女仔唔敢食,但后来有人试过好味,最后竟然左碟…仲有值得赞既地方系落左order之后上得好快,好多茶楼都做唔到呢点,但呢度做到,唔使客人久等,我觉得呢间真系唔错!