大自然素食

营业中

休息中

自从王经理话要食百日斋后，几乎每个星期，我地两个都会四处找寻好味嘅斋菜馆。是日又o黎到铜锣湾，今次决定唔去我地近期嘅饭堂～紫来坊，一于试吓第二间，有比较先有进步嘛！但今次呢间，其实王经理已经o黎过好多次，响未发掘紫来坊之前，佢话呢间系佢觉得最好味嘅斋菜馆！王经理平时o黎呢间一定会叫金瓜饭同芝士鲔鱼多士，佢话好好味。但今次我地决定试新嘢：美极烧豆腐～讲真就唔系点食得出系美极汁，但味道甜甜地，都几得意！不得不赞佢地个炸豆腐，皮脆内软，个皮厚薄适中，炸得香脆而不油腻，里面嘅豆腐依然滑到不得了，真系好想知佢地点将旧咁滑嘅豆腐攞去炸大红乳猪件（跟自制挂包）～呢道菜系我见Openrice有好多人赞，所以坚持要试嘅！果然无拣错，简直系超级好食！素乳猪嘅皮竟然可以整到同真乳猪嘅有八九成似，加埋乳猪酱同爽脆嘅青瓜，夹响件好软滑嘅挂包里面，真系唔讲都唔知系食紧斋！瑶柱福建炒饭～味道同真嘅福建炒饭无分别，瑶柱丝以金菇代替，素虾一样做到有弹性，素肉有午餐肉嘅味道，好味！木瓜雪耳糖水（免费）～不太甜，不错！整体o黎讲，几样菜嘅味道都好好！相比之下，反而觉得紫来坊好似较多味精，食完会好口渴！不过两间其实都好味，各