Dodam Chicken (利舞臺廣場)

营业中

休息中

🐔🐔又系炸鸡控出动嘅时候，今次拣咗位于铜锣湾利舞台嘅Dodam Chicken。估唔到平日嘅夜晚都几多人，除咗堂食外，仲有唔少人等外卖自取。🍗🍗人少少只系叫咗两样野- 「黄金咸蛋炸鸡」半只同「韩式海鲜煎饼」一份。个咸蛋炸鸡极度邪恶，一上菜已经闻到阵阵嘅香味，入口真系不得了。咸蛋好够味，连埋炸得好松脆又嫩滑嘅鸡肉真系好夹。炸鸡跟埋萝卜一齐上菜，佢嘅萝卜系红色，我开头仲以为系西瓜添，原来系萝卜加上红菜头调配而成嘅。另外，海鲜煎饼亦都十分出色，煎饼好香脆，海鲜配料丰富，配埋辣汁一齐食，味道好有层次。🍹🍹餐厅环境宽敞，适合一班人食饭吹水饮野，下次有机会再约多几个朋友，可以去试吓其他炸鸡口味同菜式。