隨心 (已搬遷) 新店位置

星期二𠮶日森仔同女朋友去咗食一间叫做随心嘅新加坡餐厅。我地点左我女朋友最爱食嘅无骨海南鸡饭。我同女友都觉得尼个海南鸡饭系我地食过最好食嘅。佢嘅肉质又滑又鲜甜，新鲜嘅肉配搭埋三种酱，三种口味都咁好食！个饭嘅香茅味唔重唔油，做得啱啱好！海南鸡饭配埋个汤，个汤唔咸饮落唔系味精汤，但又真系好饮！除咗鸡饭之外，我哋叫咗海鲜喇沙，入面有鸡蛋、豆卜、虾、蛋、蟹柳同带子，而配搭喇沙汤嘅粉面系濑粉同米粉。所有配料同喇沙汤好夹，好入味，女友唔太食到辣，佢觉得属于微辣。两种粉面捞埋一齐又出奇的好食。份量、用料做得好足！晚市价钱同出面差唔多，尼个价钱食到尼个质素系好抵。柠檬柚子蜜好似柚子蜜咁，有少少鲜柠味，但不会太甜。纯真纯真系由梳打水、椰奶同两种水果冲泡而成，味道类似泰国嘅三色冰，不过系有气嘅三色冰。肉骨茶猪肉鸡肉串烧，肉质同口感都比出面出色。环境整洁企理，有洗手间，食完串烧同剥完虾壳可以洗手。