東海堂 (已搬遷) 新店位置

朱古力焦糖脆脆慕丝宜家正正系夜深时段，司令为左大家著想，怕大家肚饿，所以就同大家介绍下呢个朱古力焦糖脆脆慕丝蛋糕啦（$24，好似叫呢个名）！😂今日食完tea，行经过东海堂，就比呢件野吸引住，佢好似识讲野咁，叫我买佢返去😍😍见到好似好好味咁，又冇人买佢，好似好可怜，心软既司令唯有买佢返屋企慢慢叹喇！讲下个蛋糕先，蛋糕上面放左啲脆脆上去，而外面淋左一层朱古力镜面，间唔中仲有啲nuts喺度，朱古力镜面入面系朱古力焦糖慕丝蛋糕，慕丝蛋糕中间夹左个朱古力海绵蛋糕，底部都系去海绵蛋糕但上面放左少少与topping不一样既朱古力脆脆喺度。由于有好多层唔同既夹心，令到个口感变到好丰富，而且全部都系朱古力味，简直令朱古力爱好者为之疯狂😍！由于有焦糖喺入面，可能会对某啲人嚟讲太甜，但司令就觉得甜度岩岩好喇！大家最好配热茶嚟食，因为唔好睇小佢细细件呀，食完都几腻下。