為食龍 (已搬遷) 新店位置

赶住睇戏又无咩时间，见之前fb 介绍过佢d 巨形腐皮寿司几得意，就过黎速食下。店仔细细，以立食为主，不过环境都几别致。最吸引系墙身用砖仔砌成既恐龙图案，枱面仲有d 恐龙figure 同植物感觉几舒服。✨嘢食主要有便当，腐皮寿司同埋饭团。价钱唔算贵，上菜速度够快手。✨咖喱爆汁肥牛丼：呢个咖喱汁好香而且又唔系好辣，连我唔食得辣嘅都觉得唔错。佢啲肥牛实在系劲多，可以用一抽抽黎形容🤣食落好软滑又带少少肥，50几蚊来讲真系几抵食。如果个咖喱可以加啲薯仔同多少少萝卜就更加正。✨跟饭仲有味噌汤送，饮落唔会太咸，个底仲有好多豆腐同昆布。✨望落好吸引😍腐皮寿司劲大件仲超多料，一件等于两件嘅份量！带子劲厚几鲜味，最钟意左口鱼，火炙过就更加香，葱吞拿鱼拖罗蓉都唔错。件件都分量十足，加咗腐皮甜甜地又几好食。✨食埋个饭团真系饱到上心口，黄金鱿鱼够爽口，切得粗身又鲜甜。✨牛油果鳗鱼饭团，牛油果够熟好软滑，配埋鳗鱼够晒香。呢个快餐真系超饱肚，食左好多饭🤣如果佢有d 櫈坐下就更加好。