譚仔雲南米線 (已結業)

谭仔真系粮尾既恩物😛好食又唔贵。今次我就试食下新野，食口水鸡翼配剩米线，唔食平时食开既腩肉。估唔到甘有惊喜！口水鸡翼好好食！个鸡翼虽然系冻食，但非常入味，而且个汁好惹味，不过入面有我唔钟意既芫茜葱，今次唔记得走青！辣就唔系好辣，但系一概四川口水鸡既风味，而且愈食愈欲败不能！鸡翼系一开二既，都几大只，肉质好结实。因为个辣汁好好味，所以我决定唔好浪费，将佢加入个清汤米线入面，估唔到甘好食😍将清汤变左麻辣汤，味道相当唔错。米线好滑，而且剩米线份量都唔少，今次我一个人食都食唔晒d米线。食辣野就梗系要饮冻檬茶加啦😍依个配搭真系无敌，而且我成日都觉得谭仔既冻檬茶系冲得好好饮既，甜度适中，所以我次次食谭仔都一定会叫冻檬茶。