米拉 (已結業)

做完运动想食Tea,到附近东广场走一转。下午茶、小食小店都唔少，拣左见到好几个客人帮衬''米拉''。店面细小，外面摆左两张折台，几张胶凳俾客人快食，或者歇歇脚。老板店员好热情，见到唔少应该系熟客仔。点左槟城芝士牛肉包，攞上手热辣辣。面包加热，外皮仲有少少脆，一打开见到满满洋葱和牛肉。酱汁浓郁，配上芝士和芥末酱，味道唔错，而且份量唔少。再要左士多啤梨益力多高纤特饮。店员话加左两枝益力多，果然乳酸味浓，甜酸甜酸，好好饮。再叫左个香菇贡丸、花枝鱿鱼丸双拼俾妹妹。妹妹话好有BBQ风味，加左蜜糖好香口。小店经营，价钱唔贵，下次再去帮衬。