八時神仙草 (希慎廣場)

营业中

休息中

小朋友放学之后谂住同佢去希慎楼下B2食个下午茶，佢见到呢间台式甜品，我就点咗少少嘢一齐试吓，小朋友食绿茶沙冰，卖相好吸引，而且好大碗，沙冰有浓浓焙茶味道，加咗绿茶酱同埋绿茶雪糕入口唔太甜，小朋友非常钟意，仲有几粒芋圆，食入口烟烟韧韧，再有埋珍珠，食完一碗其实都几饱。热的姜汁枣泥奶冻最适合冬天食，食完成个人暖笠笠，另外，我比期间限定嘅食物吸引咗，我点左栗子糊桃胶盛盘，同埋一杯米麻糬栗子奶冻，我自己本身好钟意食栗子，用栗子造成嘅甜品出边比较少，我真系钟意呢度嘅甜品唔会好甜，但好香栗子味，而家冻冻地食碗热嘅栗子糊，配埋桃胶增加口感，真系非常好食，食完成个人暖笠笠。原来呢间台式舖头除咗铜锣湾希慎，其余3间分店都分别有售及推广栗子新品，各位栗子迷真系唔可以错过。