天丼 (已搬遷) 新店位置

今日同朋友两个人去食呢间餐厅。我地18:50落单, 餐点大约19:10先送到。我同朋友食野比较慢, 食到大约19:45, 我份餐仲有一只虾同一啖面未食完, 有个女侍应走黎问个餐系咪已经食完, 系嘅话佢就收餐盘, 仲话用餐时间就到啦, 我就话我会食埋。再过左大约1, 2分钟,  另一个侍应又过来催促我地离开, 当时我都仲未吞完口中嘅食物。餐厅的确有告示写明用餐时间为45分钟, 同埋餐点制作需时12-20分钟(我同朋友都有留意到45分钟规定但到临走前先发现有餐点制作需时的告示)。建议餐厅考虑下做一啲调整, 如果餐厅想走快餐路线, 就应该谂谂点样缩短餐点制作时间, 令客人可以轻松喺限时内食完。今次的用餐体验真系好差, 我觉得整件事令我们感觉很受气和难受, 食物几好食几抵食都冇用, 咁嘅setting我宁愿揾间贵啲但冇限时嘅餐厅。