劉宋記好食坊 (已結業)

今日同家人食晚饭, 经过大角咀埃华街，试咗呢间刘宋记食坊。一试真系好正呀!忍唔住即日上嚟写返个食评呀。我地一行四人，叫咗两个煲仔，一个菜同赖粉。埋单只系150咋.......但大家都食到好饱同好满意呀。呢间餐厅既卖点系无味精，不含人造色素，无添加。因为友人系对味精敏感，即使只系丁点咁多味精，佢都会周身唔舒服。但系唔好以为呢间餐厅无味精就唔好味㖞，佢劲正，又香又热辣辣，入冬后一定会再去过，到时肯定仲正呀!个菜炒得好好, 个付乳味好浓，个生菜仲好嫩滑添~~仲要介绍个排骨煲呀, 猪润劲正，排骨系用新鲜排骨，一食就知唔系雪藏货，仲好惹味呀!跟住就要讲下个萝卜煲，个萝卜本身己经好甜，无渣仲要系超入味呀，钟意食萝卜既人唔可以错过。至于个赖粉都唔错，可以讲系个汤一定唔系味精汤，好健康呀。系大型食肆垄断既情况下，呢种小食店真系更加值得支持。侍应都系上了点年纪的叔叔和伯伯，但态度很好，又有礼貌，最窝心是妈咪漏了电话在枱面，我们己埋单出了门口，之后有个女侍应追上来交还。哈哈~下次一定会再去。