坐忘

营业中

休息中

标榜冇味精嘅蔬菜咖哩，听落好似冇乜特别，甚至好似会冇乜味道，但呢个谂法系错嘅！呢间小店唔难揾，出左鲗鱼涌地铁站，行5分钟就到。六点几七点去到已经有四、五张枱等紧，仲要系平日，可想而知受欢迎程度已达一定水平。等左差唔多15分钟就有枱。舖头唔系好大但都应该坐到二十几人。个设计唔错，啲枱枱凳凳都系木造，好衬日式咖喱。首先见到Menu系手写嘅特别有亲切感，仲有玉敏翻译。甘啱隔离枱系日本人，感觉上好地道。我地2个人，叫左一个牛肉杂菜咖哩饭，一个猪软骨乌冬，仲有个炒猪肉。等左冇耐就食得个饭卖相十分唔错，好热，睇得出唔系煮定斋盛出黎。咖哩唔系一般的甜咖哩，系咸多过甜嘅。仲有好多杂菜，茄子，杂菌，好好味！啲汁好多，但又未至于过多，啱啱好，可以捞晒啲饭食。猪软骨乌冬系清汤，猪软骨够淋，唔会好似其他拉面馆𠮶啲咁干硬。仲有个温泉蛋！仲有个炒猪肉，有用sake清酒炒，酸酸地嘅味，有大量椰菜同芽菜，好开胃非常值得支持嘅小店！