深井咖喱寶

营业中

休息中

瞓到自然醒的星期日，瞓醒都仍然发紧梦咁，谂唔到食乜，太太话想试下附近间咖哩，好。。。出发差不多一点，午餐时间竟然无人 ，有点担心，但印象中几年前试过1次，order啦。叫咗3样嘢食，素菜咖哩角，忌廉咖哩牛肉，牛油味烤薄饼，加2杯拉茶。餐厅送咗2件薄脆，十分香脆，带少少辣。跟2种酱，1款似香草，另1款甜甜酸酸，都好味。咖哩角，里面装满咖哩杂菜容，都几惹味， 尤其是热热地食。忌廉咖哩牛肉，好香咖哩味，可能是加了忌廉，不太辣，牛肉够淋够入味。牛油味烤薄饼，个人觉得一般，没有牛油香，不够香。拉茶，应该是加了肉桂，近几年减饮甜所以无唔落糖，第一啖，唔掂，但太太竟然话好味，无理由㗎，我试佢果杯，甘甜好味㖞，原来落少少糖分别好大。这杯拉茶有惊喜，不过要衬热饮。