星洲名廚 (已結業)

前排有一晚放工之后去咗位于土瓜湾北帝街嘅星洲名厨食晚饭。叫咗一份咖喱猪扒餐，跟餐会有一碗例汤及一杯嘢饮，我就拣咗热咖啡。猪扒好厚切，外面炸得香脆，入边肉质嫩滑肉汁丰富 juicy，咖喱本身加左少少比较有特色嘅香料，令咖喱食落轻轻带少少苦味，都几特别，我自己就好钟意。个例汤亦都好好味。咖啡系新加坡嘅白咖啡，白咖啡苦涩味比一般嘅咖啡轻。这杯白咖啡都几浓郁，我就觉得几好饮。虽然呢个餐要$60，不过我就好钟意呢度嘅食物同咖啡嘅味道，尤其系猪扒，真系烹调得好好。所以我会再嚟帮衬。