影片
更多
2020-06-11
198 浏览
常常路过呢间餐厅都好多人, 前日终于决定等位! 点知原来好多人都系等外卖! 坐位超窄超迫, 如果咁好彩被安排坐卡位就舒服好多! 牛乳炒滑蛋叉烧虾仁饭 包热饮 $60 ~ 蛋好滑, 有蛋味, 叉烧有㶶边, 肉质软滑, 份量亦多, 虾好大好大只, 爽口弹牙, 酱汁唔会太多令到饭变到太淋, 葱花点缀靓之余够香口, 好味!滋补药膳萝卜牛腩配白饭 包热饮 $64 ~ 好大阵药味啊…牛腩够淋, 萝卜煲得够透, 若果受得药味, 汤可以饮! 白饭好软熟, 唔系用平价米, 赞!
张贴
