影片
更多
2024-08-03
7976 浏览
呢日去咗荃湾一间新餐厅食饭！𠮶度嘅装修真系靓到哗哗声，最紧要系有咁靓嘅装修但嘢食一啲都唔贵，实在太合乎我嘅经济原则，同老婆大人嚟多几次都唔会肉赤嘻嘻。呢间餐厅就系喺如心广场一期新开嘅Parkside@Nina！老婆大人话原来呢间餐厅系用木化石做主题，咁咪即系同我一样唔多化好嘢嚟㖞。餐厅地方好大装修亦都好靓，喺度食嘢的确系好舒服。靓到哗哗声嘅打卡位一定系呢个！呢个角度望落去好似一间教堂咁样，试谂吓如果喺度影婚纱相真系几鬼靓。听侍应讲呢啲木化石原来好贵㗎！真系要细心慢慢欣赏先得。餐厅除咗有室内正之外原来室外都几舒服㖞！如果秋天嚟呢度食嘢我就觉得唔错，但系近来咁热都系望吓好喇。喺餐厅嘅另一边有个好有神秘感嘅门口！原来系餐厅嘅VIP房入面仲好鬼大添，约埋一班朋友嚟呢度开返个party都唔错㖞。欣赏完餐厅嘅装修我哋咋咋临返去开餐！整杯正斗嘅鸡尾酒饮吓先，我拣咗呢杯靓到连老婆都心心眼嘅Passion Fizz，黄色加紫色太掂啦挂！味道仲要好正因为有热情果香同埋金橘梳打，加埋Vodka嘅酒精真系超爽啊。呢碟系意式生牛肉薄片，食落口好软滑唔会有腥味，同埋啲火箭菜芝士一齐食都几唔错。呢个酸辣西瓜沙律好鬼
呢间餐厅就系喺如心广场一期新开嘅Parkside@Nina！老婆大人话原来呢间餐厅系用木化石做主题，咁咪即系同我一样唔多化好嘢嚟㖞。
餐厅地方好大装修亦都好靓，喺度食嘢的确系好舒服。
靓到哗哗声嘅打卡位一定系呢个！呢个角度望落去好似一间教堂咁样，试谂吓如果喺度影婚纱相真系几鬼靓。
听侍应讲呢啲木化石原来好贵㗎！真系要细心慢慢欣赏先得。
餐厅除咗有室内正之外原来室外都几舒服㖞！如果秋天嚟呢度食嘢我就觉得唔错，但系近来咁热都系望吓好喇。
喺餐厅嘅另一边有个好有神秘感嘅门口！原来系餐厅嘅VIP房入面仲好鬼大添，约埋一班朋友嚟呢度开返个party都唔错㖞。
欣赏完餐厅嘅装修我哋咋咋临返去开餐！整杯正斗嘅鸡尾酒饮吓先，我拣咗呢杯靓到连老婆都心心眼嘅Passion Fizz，黄色加紫色太掂啦挂！味道仲要好正因为有热情果香同埋金橘梳打，加埋Vodka嘅酒精真系超爽啊。
呢碟系意式生牛肉薄片，食落口好软滑唔会有腥味，同埋啲火箭菜芝士一齐食都几唔错。
呢个酸辣西瓜沙律好鬼特别！用爽口嘅青瓜包住用川辣汁腌过嘅西瓜，食落去劲多汁仲要香香辣辣咁，味道非常盏鬼仲要好好味正啊。
食咗两个前菜时间系晚上嘅七时半，餐厅职员话俾我哋听出面如心园会有星光汇演，我哋班八卦友梗系即刻出去睇嘢啦！
全程大约4分钟真系好睇到目不暇给！光影好吸引仲好震撼添，大家都可以免费上去睇㗎，好似每日七至九点每半个钟头就会放演一次。
睇完星光汇演返入餐厅继续叹我哋嘅嘢食！我同老婆大人一人拣咗一款汤嚟两份饮，佢𠮶个系喇沙泡沫浓汤配虾片。
我试咗一啖饮落口系好香嘅喇沙味不过之后就辣到飞起！但系食得起辣嘅老婆大人就话鬼咁好饮。
我都系乖乖地饮啲小朋友口味嘅北海道粟米薯仔汤！个汤系好重嘅粟米味仲劲香滑真系老少咸宜。
系人都知我最唔钟意食意大利粉！不过呢碟红酒糟虎虾卷意粉我又几钟意㖞，红酒糟加埋忌廉个味鬼死咁得，虎虾好爽甜夹埋啲葱食仲好味。
除咗意粉呢度嘅薄饼我觉得都系必食嘅！因为餐厅入面有自己嘅石窑炉即叫即整新鲜薄饼。
热辣辣新鲜出炉嘅薄饼饼底原来系用酸种面团嚟整，食落去薄饼边好香脆中间又够软熟，配风干火腿、芝士同埋蘑菇呢个组合冇得输啦。
我哋仲叫咗一只辣椒酱烤鸡！烤鸡都几大只用辣椒酱整到香香辣辣咁几惹味，不过我觉得侧边嘅薯条更正，又香又脆又有咬口食到生多几粒痱滋都抵。
呢件甜品好衬餐厅因为佢叫做木化石朱古力饼，个样又真系好似木化石咁，其实佢系用朱古力加埋樱桃整出嚟嘅甜品，钟意朱古力味嘅老婆大人就非常钟意佢。
我就钟意呢件椰枣焦糖布甸多啲！布甸上面淋咗啲劲肥嘅拖肥酱，仲有啲蜂蜜脆脆同埋一球椰子雪糕，加埋一齐食口感好鬼丰富仲好香甜。
最后叹多杯Orange tonic espresso我个肚就满载而归咁返屋企超爽皮。
张贴
