KoBaNe by Minimal

营业中

休息中

星期日晏昼呢到唔算好多人，即刻就可以入去，主食嘅选择唔算好多，我哋叫咗杂菌烧三文鱼定食同埋寿喜烧牛肉烩饭。杂菌烧三文鱼定食（$115）定食配搭好丰富，有茶碗蒸、蔬菜饼、腌茄子同埋蜜瓜。三文鱼🐟煎得好香，外脆内软，酱汁配埋白饭非常好食。蔬菜饼🥕香脆唔油腻，几有惊喜。茶碗蒸🥚都好滑有蛋香👍🏻而腌茄子🍆相对就普通咗啲，冇咩特别。🍈跟餐嘅蜜瓜比想像中有诚意，系清甜又多汁😋 成个定食嘅配搭好满足👍🏻寿喜烧牛肉烩饭（$125）呢个即叫整等候时间比较耐，食完个定食都仲未嚟到。本来对佢期望几高，但系有啲失望😔忌廉汁煮嘅烩饭食多几啖会有少少腻，配搭埋寿喜烧汁牛肉同埋温泉蛋都好食嘅，但就系想像到嘅味道冇咩特别。比较推荐呢度嘅定食，整体嚟讲都几好味，见到佢哋呢度嘅甜品卖相都好靓，下次会想嚟试吓。