Theo Mistral by Theo Randall (已搬遷) 新店位置

去得酒店staycation，就梗系去埋佢哋嘅餐厅食晚饭啦❤️ 晚餐位置响2/F嘅 Theo Mistral by Theo Randall，呢个package包嘅系一个三道菜嘅晚餐喺上头盘之前就先送上热辣辣嘅新鲜面包同面包条，包痴母女一见到就心心眼，阿女仲食咗3个添！上前菜喇，系烟三文鱼沙律配意大利蕃茄、红菜头及阿玛尔菲柠檬汁，有舖满成只碟嘅挪威三文鱼加上意大利嘅蕃茄仔同红菜头三文鱼份量一啲都唔少，配埋酱汁嚟食，少少酸之余好开胃之后主菜分别有慢煮鹅肉云吞同煎焗意大利海鲈。先讲海鲈鱼，先焗再煎，肉质鲜嫩，鱼皮煎到金黄色，仲脆嘅添，海鲜原味出晒嚟，再配上炒菠菜，西兰花同露笋，看似简单，但要整到咁好味，一啲都唔易！而慢煮鹅肉云吞，用上自家制嘅云吞皮，馅料嘅鹅肉系比较少食得到，加上意式烟肉同巴马芝士，味道香浓得嚟又唔好腻，而牛肝箘同羊肚菌吸收晒酱汁嘅精华，非常入味。食完主菜，仲有Haagen Dazs马卡龙系列嘅雪糕新地，仲可以一次过试晒三只味添！最后仲有开心果奶油卷同埋意式软牛轧糖做warp up，又系满足嘅一餐。