Cha:rm

营业中

休息中

今日嚟到太和食下午茶，我哋就拣咗韩国嘢，记得呢一间韩国嘢本身系出面大街，听啲人讲夜晚都几好食架，点知佢而家有下午茶，咁就谂住入去试吓先。见到个餐牌唔系太多选择，只有薄饼、炸鸡同埋特饮可以选择，另外仲有好多韩国啤酒。我哋一人就拣咗一杯柠檬特饮，不过其实本身我拣咗橙汁特饮，店员同我地讲话冇，所以我就拣咗柠檬特饮，另外我哋拣咗一个炸鸡。呢间餐厅好得意，要自己系出面落呵打，跟住就有店员送啲食物同埋饮品俾你，炸鸡个方面我哋叫咗芥末酱而且仲有少少辣嘅炸鸡，见到卖相好吸引呀，上面仲有几条年糕食啊，鸡咬落去外面脆，而且鸡肉好滑嫩，比我想像中好味好多啊，食完都忍唔住继续食，连我个朋友都大赞，出乎我的意料之外，因为佢啲酱汁会喺皮嘅上面，我哋初时以为啲鸡肉皮会变咗好林，点知原来有脆嘅感觉，正呀！柠檬特饮好大杯，但系其实成半杯都系冰，对于女仔嚟讲就唔好饮咁多冻野啦，但系入面嘅柠檬味道好浓，而且见到好多柠檬肉，真系真材实料，又可以解渴。两个人食下午茶，大约＄100左右啦，价钱都算合理嘅。