隨心 (已搬遷) 新店位置

🥢🥢好耐冇食海南鸡，今晚经过鲗鱼涌见到呢间出名食海南鸡同喇沙嘅小店，即刻入去帮衬下先。🐔🐔两个人叫咗半只海南鸡，一个油饭同埋一碗海鲜喇沙。海南鸡唔算太肥，入口嫩滑，点埋啲酱料好味呀。另外好钟意佢嘅油饭，入口比较干身，唔会肥淋淋。🦐🦐海鲜喇沙好够味，姐姐仲好细心，特别提醒我哋食咗喇沙先，唔会浸淋晒。海鲜都算足料，有大虾、蟹柳、带子，衬埋个汤底几香口惹味。👍🏼👍🏼环境装修都舒服企理，特别要赞一赞餐厅几位侍应都好好礼貌，好亲切。食饭途中都见有唔少外卖单，食物质素唔错，绝对可以番兜呀。