泰COOL (鴻圖道) (已結業)

庆祝生日同朋友嚟咗观塘区，观塘区真系多小店唔系连锁既，所以黄店选择有好多，我哋就嚟咗食呢间泰国菜。虽然系工厂大厦附近，但系平日嘅夜晚都有非常多人！！ 佢虽然只系食泰国菜，但你睇佢menu系有非常多野食选择。 间餐厅入面呢系贴咗好多文宣图呀，去toilet个条路仲有一大张抗争poster, 入门口个柜就放咗啲抗争者嘅figure同捐钱凭证etc，成件事好黄！大虾柚子沙律，佢系有一个比较thick既sauce，酸酸地，比较开胃同埋好啱嘅配个饭嚟食嘅，佢d 柚子系一啲都唔吝啬，畀劲多你㗎。马拉盏炒杂菜，唔会好咸嘅，出面有好多马拉盏𠮶啲都咸得太犀利，呢个好好 虾饼好好食，呢个系small size有三件而佢开咗一半一半 呢个系细嘅串烧拼盘，佢𠮶个猪颈肉超级好食，劲林劲好味，大推下次应该要单叫猪颈肉！ 呢个睇相就好吸引，但系食落就少少失望嘅。咖哩软壳蟹配面包，咖哩一啲都唔辣，系比较甜个种，好食既。主要个问题系得系佢d面包系挺身啲嘅，有少少硬，所以点唔到咖哩嘅位就好似干争争咁。 船河，呢系超大碗！先至好似六十几蚊，啲料系畀足你嘅，出面嘅船河有d系好浓味嘅，佢呢度𠮶汤唔算劲浓劲俗个d。 庆祝生日所以