元気寿司

营业中

休息中

心血来潮想食寿司，而附近就得间元气，谂住星期日好多人都要等下位啦，点知唔使等直接就可以入去喇。今期限定佢哋有脆蒜帆立贝寿司，牛油味噌烧大切三文鱼，仲有极上海鲜三点有赤海虾特大松叶蟹棒同埋北寄贝添，都只系38蚊咋㖞，咁我梗系要试下啲限定嘢啦。除咗呢几样之外嚟到元气必点嘅梗系有蒸蛋啦，炙烧脆蒜赤海虾寿司，炙烧牛油赤海虾寿司。咁食完冻嘢咁就梗系食下啲热嘢啦，呢度我最欣赏嘅熟食就有烧三文鱼鲛，炸鸡翼，同埋牛肉汤乌冬。咁食完煮食就咁系要叫返个甜品，佢哋呢期有个限定crossover海贼王嘅shake shake柠檬梳打味雪糕，混合咗可乐味同埋柠檬味嘅爆炸糖落去shake，食落又几过引㖞。总括嚟讲呢餐呢都做到元气嘅水准嘅不过不实惊喜就冇特别大㗎喇但系性在够方便性价比嚟讲都唔算太低。