黑蒜 (太古廣場) (已結業)

去到金钟要快食饭见客，于是嗱嗱临喺OpenRice search下有乜嘢好食，又可以快食！结果揾到呢间叫黑蒜嘅餐厅，个名几特别！嘢食系中式，都有好多款选择！不过佢只有外卖，冇堂食呢！😃款式都几多，有蒜泥白肉、牛肋条、蒸鱼等等，我同同事就叫左牛肋条同蒸鱼share食，两款都好唔错！牛肋条好入味又好林，蒸鱼一啲都唔腥，而且两款都有好几块，好够食！每个饭仲会跟两粒大鱼旦同菜心，上面仲会铺左啲类似木鱼嘅东西，好特别！😆个饭仲会跟个例汤或者豆浆，当然可以加钱换其他嘢饮啦！但难得有汤拣，点都拣个汤啦😏饮得出无味精，又够火喉！呢间餐厅不错呢👍🏻