景福餐廳

营业中

休息中

今日去咗新蒲岗mikiki对面嘅景福餐厅食饭，我哋嗌外卖返屋企食，佢价钱合理，份量又多，而且又好味，即叫即整，超好食，值得推介。晚饭时间我点出三个餐，分别系虾酱蒸猪颈肉（$59），另外就系马拉盏通菜炒牛肉（$59）仲有姜葱霸王鸡（$59），全部都系59元，连饭连汤。先讲个虾酱蒸猪颈肉，佢系即叫蒸，蒸猪颈肉好嫩滑爽口，虾酱味好香，仲有啲南瓜，送饭好食。马拉盏通菜炒牛肉都超大碟，成盒满嘅，牛肉好嫩滑，通菜又好香甜，好食。姜葱霸王鸡份量都好，多姜葱在鸡面上，而且鸡好嫩滑，好味道。另外个餐汤都好正，有冬瓜，萝卜，薏米，仲有陈皮同鸡脚等，吾系味精汤，难怪咁多年都咁多食客，整体都好满意。