景福餐廳

营业中

休息中

今天下班後跟朋友到訪位於新蒲崗景福街的「景福餐廳」享用晚餐，晚市提供冬季暖胃煲仔飯及小菜，價格親民-古法黃鱔煲仔飯 $71雙拼古法田雞 +$10；可選香芋飯底即點即煲呈上時熱焫焫，黃鱔大片爽脆，鮮香惹味；古法田雞肉嫩緊緻，足夠甜美；附以菜心、冬菇、芫荽及蔥花等，米飯充滿啖啖芋香，飯焦金黃香脆-涼瓜蝦仁炒蛋 $58 配白飯及例湯例湯足料且不添加味精，清甜不膩涼瓜鮮嫩帶甘味；炒蛋嫩滑，蝦仁鮮爽，下飯一流-馬拉盞通菜炒牛肉 $58配白飯及例湯通菜翠綠爽嫩，牛肉片爽滑帶點筋膜，馬拉盞鹹辣適中又平衡

新蒲崗工廠區親民茶餐廳🍴提供多元化中西式午餐及下午茶☕️蒸雞肉醃得入味，肉質嫩滑無比🍗粉絲吸盡雞汁與蒜香，超惹味，送飯一流🍚豉油雞的味道帶香甜👍色澤明亮，醬香濃郁🐓表皮潤澤油亮，肉質鮮嫩有彈性😋牛脷份量好多，有5大塊👅慢煮後再煎香，口感相當之軟腍🤤再淋上熱辣辣黑椒汁，味道香濃辛辣🌶️沙嗲汁的濃香，牛肉的嫩滑🐮配上公仔麵，令人垂涎欲滴，夠晒香濃惹味🤩下午茶的雞翼炸得透香，香脆可口🔥薯條形態飽滿，外脆內軟🍟

跑步可以放肆多吃點飯。景福餐廳 地址: 新蒲崗景福街81號地舖電話: =====================屋企都偏向小煮飯，平日返工就各自食完先返屋企，而假日就會買回家同媽媽一齊食。茶餐廳一個lunch around $40 ,又連湯/飲品，仲抵過食買兩餸飯。每日都有指定lunch 款式洋蔥豬扒意粉，唯一意粉菜式，多叫洋蔥好甜。芙蓉煎蛋，蓋過曬飯面，大大盒呢！煎到實身，就咁淋豉油都好好食。蔥油雞，個蔥油好撈飯，跑步可以放肆多吃點飯。泰式紅咖哩雞拼墨魚飯飯,雙拼幸福感up ,個紅咖哩辣得好香！青紅蘿蔔湯，包飲品杯熱奶茶幾香醇。

在mikiki對面，呢間景福餐廳好多人食，價錢又合理，食物又好食，份量都大，今日我就去了買外賣，吾洗等好耐就拎到了，岩晒打工仔食飯啊。我點了四個飯，揀了枝竹火腩飯，涼瓜蝦仁炒蛋，東江鹽焗雞飯，舌拿魚磨菇雞皇飯，全部都四，五十元，好抵食。枝竹火腩飯，火腩入味又嫩淋，枝竹好味，不會太咸又夠味，正。涼瓜蝦仁炒蛋飯都好味，蝦仁好多，好足料，炒蛋又很滑，夾埋涼瓜很有口感，覺得很健康又美味，另配了白飯，好食好飽。東江鹽焗雞飯，雞很滑又入味，雞肉又嫩，雞有鮮味，整體好好食。舌拿魚磨菇雞皇飯，醬汁夠，雞又香滑，舌拿魚份量多，食落啖啖肉，好味道岩晒大食朋友啊。整體都好好食，難怪咁多朋友都推介，又好味，又抵食，價錢又合理，下次再同朋友來。

夜晚嘅新蒲崗一向都好多好嘢食😆聽聞呢間餐廳嘅煲仔飯幾出名，所以今日就決定黎試下～煲仔飯係即叫即煲嘅，喺等緊煲仔飯嘅時候，竟然有得飲住自家老火湯先😆呢個例湯非常有誠意，足料夠味，睇得出唔係hea你嘅🥣同時環顧四周，似乎大部分都係街坊熟客，過黎食餐家常便飯，令我感覺幾窩心。依家呢啲街坊茶餐廳真係買少見少了🥹🍚古法田雞煲仔飯 $66 好耐冇食田雞啦！😆個飯非常足料，有雲耳冬菇同田雞都好夠份量，唔會食幾啖就冇曬啲餸得返白飯。調味亦都不錯。唯一美中不足嘅地方係，一開頭表面嘅飯有少少硬。個飯亦都可以再香啲。🍚豉汁白鱔煲仔飯 $86雖然我中意田雞多啲，但整體上更喜歡呢個飯😆香氣十足，啲飯撈埋豉汁都已經好夠味，唔駛再比豉油。白鱔口感爽彈👍🏿飯焦十分香脆，幾出色！🍛黑椒薯仔牛柳粒 $68幾有鑊氣。牛柳粒都好嫩，好食👍🏿呢碟嘅牛柳粒出色過薯仔🥔總括而言，餐廳性價比算不錯，也食到家的味道🏠

踏入初冬，正是吃煲仔飯的好時候！新蒲崗景福餐廳，鄰近Mikiki，餐廳任何時候都很多人排隊，於是我一於決定外賣回家慢慢吃！🥢臘味拼豉汁排骨煲仔飯想不到外賣的煲仔飯，包裝好精緻，錫紙盒上再附上硬紙盒，拎返屋企食仍然熱辣辣，而且非常好味，還有飯焦，喜出望外！除了煲仔飯，這裏的晚市套餐都好抵食，配送例湯及白飯，我點了菜心炒牛肉蝦醬蒸豬頸肉，家常小菜嘅風味，味道不錯！景福餐廳 (新蒲崗)新蒲崗景福街81號地舖

今日我和朋友去了新蒲崗這間茶記食晚飯。餐牌選擇都多，價錢親民。蒜蓉開邊蝦煲仔飯（$86）：蒜蓉開邊蝦煲仔飯是一道非常受歡迎的廣東料理，結合了煲仔飯的傳統風味和海鮮的鮮美。這道菜的特色在於煲仔飯的底部焦香的米飯，配上新鮮的開邊蝦和香蒜，形成了完美的口感。鮮蝦的味道鮮美，肉質緊實，煮熟後口感滑嫩，非常適合搭配米飯。蒜蓉的添加為這道菜增添強烈香氣，微微的焦香味能提升整體的風味，與蝦肉相映成趣。煲仔飯的米飯底部煮得非常香脆，呈現出外焦內軟的口感。麻辣滑雞煲仔飯（$66）：雞肉嫩滑，搭配麻辣醬汁，每一塊雞肉都吸收了濃郁的辣味，口感鮮嫩。黑椒薯仔牛柳粒（$68）：牛柳粒切得適中，保留肉質的鮮嫩。黑椒醬的香氣濃烈，與牛肉鮮味相得益彰，增添不少層次感。薯仔的加入不僅提供額外口感，還吸收醬汁，讓整道菜更具風味。

景福餐廳 位於新蒲崗Mikiki對面之前成日行過是一間舊式嘅茶餐廳今日終於跟朋友入去呢間lunch😋😋原來入邊仲有卡位亦都有大電視📺睇，可以邊食邊睇電視🤪原來景福餐廳都有煲仔飯而且價錢亦不貴下次可以上來試吓🤭🤭午餐都有多款選擇分星期一至六每日不同！先來兩碗例湯不是味精湯，而且幾足料👍蔥油雞飯…洋蔥是炒香過的撈飯好好味而且雞卷亦都很新鮮鮮嫩滑！$48份量不少⋯⋯幾抵！蒜蓉汁雜扒意粉，個蒜蓉汁都不錯，整體不錯！

之前冇食過呢間，咁啱今日諗唔到食乜就叫咗個外賣自取，先唔講我等咗差唔多半個鐘，叫咗個豉汁蒸排骨同涼瓜䱽魚，講咗個白飯先，啲飯煲過頭爛到一個點，唔講以為食緊醫院流質餐，簡簡單單一個白飯已經完全唔合格。到個豉汁蒸排骨，個排骨好似完全冇醃過咁樣，完全唔入味，個排骨咬到最尾仲要有少少苦苦地，講真真係唔明點解咁簡單嘅餸都可以煮到咁樣，建議廚房重新學過點樣煮嘢食，我自己煮仲好過佢，呢個豉汁蒸排骨係我食過最唔好食嘅一次。䱽魚就普普通通冇咩特別，但係都唔係話好食總結 呢間嘢冇話完全食唔落口，但係以一間餐廳嚟講咁普通嘅住家菜式煮到咁係完全唔合格，有得揀其他一定唔會再試

🍚走入這間又有feel嘅茶記，面對嗰兜普普通通嘅菜單，我興奮地試咗好幾樣食物。先講講豉汁蒸䱽魚，啲魚真係咁滑，咁嫩，仲要豉汁夠晒味，嗒嗒地，正！再黎講下我個煲仔飯，啲飯香喷喷，有香噴噴嘅飯焦，啲排骨好夠味，嚼落有勁，根本就係犯規好食！🤤啊，又唔可以唔提下佢哋杯凍檸茶，簡直就係消暑聖品。而家天氣開始轉涼，食碗熱辣辣嘅煲仔飯，真係再合適唔過。我仲試過佢哋嘅早餐，啲生翼炸得脆口得滯，配上茄汁豆，美味過癮；即使係唔太鍾意熱氣嘅朝早，我都要頂住困意來食一份精美早餐A，哎喲，餐肉厚切得啱啱好，通粉又正，啲忌廉奄列蛋滑得嚟又唔會太膩。講返個意粉，夠曬彈牙，雞件肉質軟嫩，配合煎香嘅餐包，合埋一杯嘅奶茶，實在係完美嘅晨間組合。😋真係每次黎呢度都覺得開心，好似食到家庭嘅味道咁，跟朋友一齊分享呢啲地道又實惠嘅美食，就係一種小確幸！每道菜都有佢特色，但都保持得舊香港嘅地道味道，絕對係一間值得黎幾多次嘅店。👍

上網見到好多人話新蒲崗呢間煲仔飯好好味，好多人排隊，無論天氣凍熱都好多人排隊，於是今晚就去咗試喇喎，但都係要排隊，叫咗兩個煲仔飯，一個豉汁蒸鱔煲仔飯，一個臘味煲仔飯，要達到煲仔飯理想效果應該係啲飯又唔會生米，又有飯焦先為之理想，但飯焦唔夠燶，而且臘味啲臘腸又唔好味，好你食塑膠咁 ，尼個係唯一最差的 ，如果可以改善多啲就更加好，但係餐廳裏面範圍太細喇，好逼夾好逼夾，完全唔可以食得好安樂太擠迫，所以如果有下次可能會試下另一個煲仔飯，畀多次機會佢啦😅😅

12月19日天寒地冬，揾食肥華帶靚媽到此店，食禦寒佳品煲仔飯，而今餐肥華在此店柯打嘅嗰煲，古法黄鱔煲仔飯，平心而論，飯嘅質素並不突出，飯身偏軟口感似食篜飯，而煲仔飯嘅靈魂，飯焦，此煲黄鱔飯亦欠奉，不過因黄鱔肉俾得夠多而撈飯用的豉油，味道亦不俗，價錢亦合理，此店呢個煲仔飯，肥華會俾個B級評分佢。至於今餐其他兩個套餐，菜心炒牛肉及涼瓜蝦仁炒蛋，連同個碗跟餐嘅木瓜雪耳雞腳豬骨湯，味道卻有驚喜，值B+評分，今餐可說是妹仔大過主人婆

豉汁白鱔煲仔飯煲仔飯晚市就會供應，有成十幾款配料選擇，每樣都係即叫即整，今次就試咗豉汁白鱔煲仔飯，啲飯吸盡豉汁同白鱔嘅香味，白鱔配上豆豉一齊食夠晒惹味，最後仲可以食埋金黃色嘅飯焦，火候控制得啱啱好，香口得來唔會太燶，超高質！魚香茄子四季豆呢度小炒相對比較濃味，拌飯一齊食就啱啱好啦，魚香茄子嘅鹹魚味夠晒香，四季豆又可以增加口感，加埋肉碎絕對係送飯神器！馬拉盞通菜炒牛肉呢碟炒通菜唔會太鹹，通菜非常爽口，牛肉亦唔會韌，而且份量十足，非常抵食！

天氣開始轉涼口痕想食煲仔飯搵到一間性價比極高嘅係新蒲崗就係Mikiki附近 超方便嗌咗個龍躉球煲仔飯轉香芋飯底識叫即整打開熱辣辣魚香味勁重師傅刀工好好龍躉球完全冇骨啱晒我呢啲唔識食骨嘅人個底加埋香芋同埋粉絲超級惹味再叫多一個蒜蓉開邊蝦煲仔飯要原裝飯底一打開個份量真係嚇親人，全碗都鋪滿咗蝦蒜蓉開邊可以食到蝦嘅原汁原味超級鮮甜爽口另外想食少少菜健康啲叫咗個瑤柱肉碎扒時蔬店主介紹菠菜苗真係冇介紹錯個質地好配合瑤柱肉碎可以解肥膩，清腸胃所有晚飯套餐仲送白飯同埋例湯性價比真係超高冇加一添ga

新蒲崗有好多食飯好地方，而我就最鍾意一啲港式餐廳。今次去嘅景福餐廳，最拿手就係小菜同煲仔飯，好受街坊歡迎。食物嘅份量超級足，係性價比極高嘅餐廳🙌𝐁𝐮𝐛𝐮推介🔥👍 豉汁白鱔煲仔飯一上枱，豉汁嘅香味同埋白鱔嘅鮮味就已經令人流晒口水，面頭滿滿嘅都係白鱔魚件，配上飯焦煲仔飯，簡直令人無法抗拒🤤👍 咸魚肉餅拼豉汁排骨煲仔飯 加窩蛋雙拼煲仔飯絕對係重量級嘅選擇😳 豉汁排骨同咸魚肉餅嘅組合，真係係天作之合。一次過可以食到兩款傳統煲仔飯風味，豉汁排骨同咸魚肉餅嘅美味，再加上滑滑嘅窩蛋，真係超級滿足😋👍 熱奶茶要評價一間港式餐廳，一定唔可以少咗佢嘅熱奶茶☕️ 奶茶滑順無渣，奶同茶嘅比例啱啱好✅📍景福餐廳新蒲崗景福街81號地舖