影片
更多
2024-10-09
305 浏览
市政大厦入面既大排档，环境都算企理干净同埋重点系佢够冷气，唔会食到成身汗同埋值得一提既系，伙计送餐嘅时候，啲野唔会飞来飞去真系尽量摆正喺你面前，呢一样野真系极度值得赞赏同男朋友2个人谂咗好耐，样样都想食，但又唔食得多，见到有2人餐正，唔洗谂就叫个套餐B试下佢啦**豉油皇大虾个豉油皇真系几出色，一试粒葱&豉油已经即刻忍唔住嗌个白饭，够鲜够味再咬只虾，讲真就唔系咩劲有鲜味嘅虾但胜在啖啖肉，虾都系新鲜弹牙，同埋满晒膏呢下真系喜出望外仔仔𠮶只都系满膏(其实4只虾都系咁😂**香煎金钱鳝鳝肉新鲜，肉质弹肉煎到表面脆卜卜，同埋几香口但我觉得略嫌唔喺好够味哈哈，可能系我用左蜜饯金蚝嘅期望落去男朋友就话佢𠮶旧冻咗食有啲啲腥(我心谂，人地热辣辣上，你等我等到摊冻晒先食㖞，你第一旧食完都无咁讲😂😂😂**上汤浸时蔬冇乜特别，味道唔错，正正常常啦但我唔钟意食菜，所以冇补充😂但我地2个都系觉得呢啲菜仔，再细条少少会甜啲好食啲** 莴笋炒鲍鱼佢上菜嘅时候，我有啲迷茫忍唔住冲口而出问"咩黎架"然后个staff都停一停谂一谂，答我煮鲍鱼我谂谂明明meun上面写"招牌XO鲍鱼煲"，点解会变左样既😂😂😂Anyway，莴笋食
同埋重点系佢够冷气，唔会食到成身汗
同埋值得一提既系，伙计送餐嘅时候，啲野唔会飞来飞去
真系尽量摆正喺你面前，呢一样野真系极度值得赞赏
同男朋友2个人谂咗好耐，样样都想食，但又唔食得多，见到有2人餐
正，唔洗谂就叫个套餐B试下佢啦
21 浏览
0 赞好
0 留言
**豉油皇大虾
个豉油皇真系几出色，一试粒葱&豉油已经即刻忍唔住嗌个白饭，够鲜够味
再咬只虾，讲真就唔系咩劲有鲜味嘅虾
但胜在啖啖肉，虾都系新鲜弹牙，同埋满晒膏呢下真系喜出望外
仔仔𠮶只都系满膏(其实4只虾都系咁😂
**香煎金钱鳝
鳝肉新鲜，肉质弹肉
煎到表面脆卜卜，同埋几香口
但我觉得略嫌唔喺好够味
哈哈，可能系我用左蜜饯金蚝嘅期望落去
男朋友就话佢𠮶旧冻咗食有啲啲腥
(我心谂，人地热辣辣上，你等我等到摊冻晒先食㖞，你第一旧食完都无咁讲😂😂😂
**上汤浸时蔬
冇乜特别，味道唔错，正正常常啦
但我唔钟意食菜，所以冇补充😂
但我地2个都系觉得呢啲菜仔，再细条少少会甜啲好食啲
** 莴笋炒鲍鱼
佢上菜嘅时候，我有啲迷茫
忍唔住冲口而出问"咩黎架"
然后个staff都停一停谂一谂，答我煮鲍鱼
我谂谂明明meun上面写"招牌XO鲍鱼煲"，点解会变左样既😂😂😂
Anyway，莴笋食落鲜甜脆口，炒得啱啱好唔过火，好味
鲍鱼比想像中大只好多
影出来都系感觉比实物更细，但唔识影相sor😂
正常新鲜鲍鱼嘅味道，唔会腥，但都无咩味，处理得唔错
弹牙唔靭，唔错
**韮黄瑶柱羹
咁啱今晚本身有少少想饮汤，但又觉得喺大排档嗌汤/羹一个就已经打爆quota，会饱到食唔到其他野
好彩套餐咁岩有个羹，食落去系正常但好味嘅汤羹味道
食得出有韮黄嘅香，同埋有好多嘅料，有鸡肉，肉丝，菇
同埋唔知点解，我好似咬到切到肉丝大细既叉烧😂
疑似代替火腿但我无证据，食落几过瘾都唔错
**姜葱炒肉蟹
因为一开始落单伙记同我地讲蛏子未到，我地今晚又唔急就话等下
于是我地食咗大半就等啊，等等下开始觉得闷，又见到隔离枱只炒蟹好似唔错
于是就嗌左只黎摄时间，食住等😂😂😂
但可能对于今晚食既野评价都几高，所以略嫌有啲期待
然后有期望就有失望
即系唔系话唔好食，只蟹肉质都结实，料系唔错既
但系略嫌佢炸得干身左少少，同埋姜葱味真系欠奉
用太高期望咬落去真系有少少失望
**金银蒜蒸巨蛏子
食蟹食到一半，蛏子终于到
将有芫茜𠮶只夹左比人之后，我就开始将成只蛏子同粉丝拆落去点埋啲豉油，一野啪入口
金蒜既味道非常好，蛏子蒸既时间都恰到好处，肉质细嫩，唔错唔错
可惜已经饱左，嗌唔到第二碗饭
拎黎捞饭真系一流
*埋单total咁多
**补充
其实间野真系几唔错
但因为我长期嘴刁嘅关系，唔知点解写出来写得非常之普通🥲
但其实呢间野，我地2个既评价真系几高
我都唔知点解会写成咁，其实真系觉得好食几唔错
我长期觉得我食野standard成日比人地高，但系讲出来都只系得唔错，所以就唔错啦🥲
原谅呢个DSE中文阅读拎5**但作文2咗既人🥲
表达能力有问题，当睇我作文练习啦🥲
(其实系写低当ref比自己第日记得食过边间好食边间唔好😂
张贴
