Oppa Chicken

营业中

休息中

无无聊聊既一日，突然想落街食下炸鸡，上网揾揾见到原来西环有间韩国炸鸡铺，即刻戴埋口罩去试试。一坐低无耐店员就主动埋黎介绍左韩式甜鸡比我试试啦！炸鸡会跟一碟洋白菜沙律同酸萝卜，食落好新鲜又开胃，等左10分钟左右炸鸡就上枱啦，新鲜热辣辣既炸鸡食落唔会太油腻，岩晒我呢d又中意食炸野又惊油淋淋既人。炸鸡真心好多汁，份量好够呀，十件左右，一个人食都绝对无问题呀。 埋单178加一，非常抵食夹大件，想过一过炸鸡瘾既真系值得一试，下次再黎试下店员非常推荐既芝士鸡蛋卷！店员仲送左20蚊优惠卷比我下次用呀，服务都好好，值得推荐既小店。