影片
更多
2010-04-02
13 浏览
假期前夕, Shopping 完, 好肚饿, 本来想食寿司, 但居然仲有成一百个号码至到自己, 相信等到肚打鼓都未有得食, 见二楼有梦见屋唔驶等咁耐, 就排队啦, 等左大约都超过二十分钟先有得入座, 好多人, 好嘈, 但好肚饿无办法啦, 食评如下 ~套餐 (一汤, 一主食, 一咖啡, 一蛋糕) HK$88 + 10%忌廉餐汤 ~ 份量好少, 好似一个日式茶杯仔既份量, 味道一般. 秘制山药鱿鱼虾意粉 ~ 意粉煮得刚好, 唔会腍晒, 但汁少左 d, 比较干, 材料都略少, 多返 d 更好.和风烧汁鸡扒饭 ~ 本来餐牌写 C 餐系金沙骨饭, 叫菜时先讲人知无晒, 又唔更正门口个餐牌, 被迫食鸡扒饭, 鸡扒煎得几香, 饭粒香软, 又 OK 㖞! 绿茶蛋糕 ~ 本身蛋糕几松软可口, 有清幽绿茶香味, 但有一粒原粒栗子, 一食落去甜死人, 原来成粒用糖水浸过, 完全无栗子味, 只得甜味, 可能系佢地既风味, 但太甜下次唔食啦. 蓝啤梨芝士蛋糕 ~ 好多 Blueberry 响饼面, 芝士味亦浓, 好味! 好过绿茶蛋糕好多, 虽然已经食到8成饱, 但依然坚持食晒佢! 有机咖啡 ~ 好香, 全个餐最
套餐 (一汤, 一主食, 一咖啡, 一蛋糕) HK$88 + 10%
忌廉餐汤 ~ 份量好少, 好似一个日式茶杯仔既份量, 味道一般.
秘制山药鱿鱼虾意粉 ~ 意粉煮得刚好, 唔会腍晒, 但汁少左 d, 比较干, 材料都略少, 多返 d 更好.
和风烧汁鸡扒饭 ~ 本来餐牌写 C 餐系金沙骨饭, 叫菜时先讲人知无晒, 又唔更正门口个餐牌, 被迫食鸡扒饭, 鸡扒煎得几香, 饭粒香软, 又 OK 㖞!
绿茶蛋糕 ~ 本身蛋糕几松软可口, 有清幽绿茶香味, 但有一粒原粒栗子, 一食落去甜死人, 原来成粒用糖水浸过, 完全无栗子味, 只得甜味, 可能系佢地既风味, 但太甜下次唔食啦.
蓝啤梨芝士蛋糕 ~ 好多 Blueberry 响饼面, 芝士味亦浓, 好味! 好过绿茶蛋糕好多, 虽然已经食到8成饱, 但依然坚持食晒佢!
有机咖啡 ~ 好香, 全个餐最出色既部份, 个杯又靓, 饮得畅快.
总括黎讲, 9:00pm 前都要等位, 店内都几嘈.
食物方面, 都几好, 食物出得又快, 而且可以叫侍应先留住想要既蛋糕款式, 以免俾其他客人选择晒而失望.
服务方面, 佢地真系好忙, 本人都觉得佢地有点喘不过气既感觉, 所以有时真系服务比较唔贴心, 如果多返 d 人手好 d .
张贴
