Tapa Room (已搬遷) 新店位置

前两日同朋友收工之后去左铜锣湾食饭，佢介绍我系告士打道个边有一间西班牙菜好食，所以我地就去左食啦。餐厅有好多小食同主食拣，我地就点左Octopus Carpaccio、Crispy Tomato Bread、Bikini Sandwich和Iberico Pork Meatball，而主食就拣左一个西班牙海鲜锅饭，而我就想饮少少酒，所以就叫左杯Gin酒。先讲下小食先，八爪鱼都几好味，薄薄一切配以汁，食起来几清新。而个蕃茄脆包都几正，脆卜卜，加上酱汁和白银鱼，系一个几好的配搭，加上脆包会慢慢吸引酱汁，令到呢个小食更有层次。而鹅肝脆包都几好食，鹅肚涂在面包的夹心，入口即溶。黑毛猪肉丸系咁多样小食入面最好食，表面亦都炸得好脆卜卜，好好味。至于个西班牙海鲜饭，唔好睇佢唔太大碟，两个人食都啱啱好，而且材料都好丰富，有虾、青口、蚬同鱿鱼圈，而每粒饭都好入味，今次朋友果然无介绍错。