影片
更多
2012-06-20
84 浏览
想去重庆大厦食咖哩好耐, 终于今年bday朋友约我去可以一尝多年心愿咯 重庆大厦咁多间食咖哩, 都唔知边间好食. 于是先上网查下食评再问下曾经去食过既朋友, 决定左去呢间未到重庆大厦已经有好多印度人系到介绍, 用唔咸唔淡既广东话问你食饭未? 系咪食咖哩? 未几就见到我地想食果个既负责人, 好快就跟左佢入重庆.第一次去重庆真系..目不暇给, 对我黎讲真系好新奇, 感觉就好似去左泰国果D东南亚地区咁. 行左一小段路, 负责人就叫我地跟住佢另一个同事去. 哦~ 再行多一段路又有第三个人要跟 跟住其实都唔系好知自己系边, 无几耐终于见到LIFT口, 就有第四个人带我地搭LIFT. 间野系3/F, 但系因为架LIFT未到, 就由呢第4个人带我地搭4/F LIFT然后行后楼梯落一层.. 有D刺激㖞 终于去到餐厅. 门口无招牌架只系贴住"只招待会员", 其实果D应该系由住宅改装而成. 一入门口已经闻到超香, 口水都流哂呀 第一个单位就餐厅既正厅, 有D装修灯就系蓝色既几靓, 不过.. 爆棚. 跟住侍应去到第二个厅, 终于有位坐. 闻到既系印度既香氛味再加上印度独有食物香料既味道. 好吸引呀~ 餐
重庆大厦咁多间食咖哩, 都唔知边间好食. 于是先上网查下食评再问下曾经去食过既朋友, 决定左去呢间
未到重庆大厦已经有好多印度人系到介绍, 用唔咸唔淡既广东话问你食饭未? 系咪食咖哩? 未几就见到我地想食果个既负责人, 好快就跟左佢入重庆.
第一次去重庆真系..目不暇给, 对我黎讲真系好新奇, 感觉就好似去左泰国果D东南亚地区咁. 行左一小段路, 负责人就叫我地跟住佢另一个同事去. 哦~ 再行多一段路又有第三个人要跟 跟住其实都唔系好知自己系边, 无几耐终于见到LIFT口, 就有第四个人带我地搭LIFT. 间野系3/F, 但系因为架LIFT未到, 就由呢第4个人带我地搭4/F LIFT然后行后楼梯落一层.. 有D刺激㖞
终于去到餐厅. 门口无招牌架只系贴住"只招待会员", 其实果D应该系由住宅改装而成. 一入门口已经闻到超香, 口水都流哂呀 第一个单位就餐厅既正厅, 有D装修灯就系蓝色既几靓, 不过.. 爆棚. 跟住侍应去到第二个厅, 终于有位坐. 闻到既系印度既香氛味再加上印度独有食物香料既味道. 好吸引呀~ 餐枱系用印度式样既胶枱布舖住, 好靓呀.
几靓几吸引都好, 此行系医肚, 快D叫野食先. 望住张餐牌, 好多都好想食呀, 不过得两个人, 唯有叫D大路D既野食, 好味既下次黎试其他. 叫左个铁板杂锦, 入面有五香鸡件, 羊肉串同埋烤鱼. 玛沙拉烩羊肉, 一个普通烤饼同一个芝士烤饼. 野饮就叫左个芒果LASSI我就梗系要最LIKE 玫瑰梳打.
叫左野食, 侍应先黎一个餐前小食, 烤饼. 呢个脆身既, 食落去脆脆地, 有香料味仲有小小辣. 食左真系胃口大开㖞. 野饮黎到先啜一啖, 好香玫瑰花味呀, 加埋d梳打有d气咁, 系呢d咁潮湿严热既天气饮真系一流.
等左一阵铁板杂扒上枱啦. 好香呀.. 劲吸引~! 先食五香鸡件, 鸡肉林林地唔鞋口, D香料入哂D肉到正呀. 香料加埋肉味正~! 跟住就食羊肉串, 哗~ 呢个真系劲正.. 羊肉串系用免治羊肉整成一个卷咁去烤, 一D羊膻味都无, 有羊味加埋D香料味仲有辣辣地, 一人一条实在太小啦. 第三件食鱼, 可能之前呢个肉味道太浓啦, 最尾先食鱼无左个惊喜系到, 都好食但系都系怀念个羊肉串多D. 最后就食佢D菜, 索哂D肉汁再埋个铁板既热力已经烤林左D菜. 好味
跟住就住主菜咖哩, N年前系第二间食过玛沙拉羊肉, 知道系出名既菜式之一, 辣既. 但系实际咩味就唔记得啦. 呢个咖哩系红色既, 无想像中辣但系香, 烤饼好好味呀. 虽然厚身但系松化, 点咖哩汁食一流. 芝士烤饼直情美味到不能. 本身已经系芝士怪, 芝士夹系烤饼入面烤到溶溶地, 点埋咖哩一齐食.. 噢~!! SO SO DELICOUS~!! 玛沙拉羊肉D羊好林, 有羊味不过有小小膻, 如果唔得膻既人可能就会麻麻地钟意食架啦, 不过对我黎讲啱啱好~
食饱饱, 饮埋杯玫瑰梳打.. 好满足呀~
埋单都系2百几两个人.. 抵食~!! 下次再约埋多D人一齐再去食过
张贴
