旺記冰室 (大本型) (已結業)

为食熊上个礼拜做跟得男友兼摄影师，大热天时系帮女友一个景影几百张，好彩下午茶时间食左个好正嘅旺记茶餐，先至补得翻体力。我地去嘅旺记冰室系喺油塘大食代入面，呢间应该系新开嘅。之前主要帮衬尖沙咀分店，但由于近旅客区，所以通常都要排队排到天荒地老先有得食。今日好好彩，都系等左5-10分钟就有位。我叫左个叉烧滑蛋饭，配冻柠水。旺记呢个滑蛋饭真系个食过最好嘅，唔讲佢个叉烧啦，佢个叉烧一定系做到基本要求啦。要欣赏嘅系佢个蛋，煮得超级滑，入口系即溶个种，劲似soufflé 嘅texture ; 加埋个甜酱油真系不得了，个甜酱油系成碟饭嘅灵魂，有种说不出声嘅好食啊! 女友个虾仁滑蛋都正，个虾仁系超爽口。