潮福蒸氣火鍋 (已結業)

今日放工买完啲电脑用品，同朋友决定嚟潮福食晚饭。讲起潮福，大家都会谂起佢嘅任点任食蒸气火锅，上次试过都几好食。今日坐低睇吓个Menu，发觉原来佢都有好多小菜选择，有烧味，海鲜同埋家常小菜，仲要全部都系街坊价。今日同朋友唔系好肚饿，就决定试吓佢啲小菜先。两个人点左椒盐焗鲜鱿，果酱生炒骨同埋海味杂菜煲。椒盐鲜鱿炸得金黄，份量好多。鲜鱿爽口弹牙，椒盐调味刚刚好唔会太咸好惹味，唔觉唔觉就食晒。果醋生炒骨配菜除咗有菠萝仲有青红椒，炒得好有镬气而且酸甜开胃。海味杂菜煲煮得好清甜，系健康之选。埋单两个人都系食咗二百几蚊，以街坊酒楼嚟讲抵食之余质素真系几好，正宗香港风味。最后佢哋仲送埋生果，鲜甜多汁，系值得支持嘅亲民酒楼。