民華魚蛋粉麵

营业中

休息中

今朝晨咁早去咗大埔做嘢，早餐都未食，饿到11点几先有机会食嘢。我对大埔一D都唔熟，边行边上网search附近痈咩好嘢食，因为越行越饿嘅情况下，行经一间叫民华嘅鱼蛋粉店，坐无虚席，仲有几个客等紧位，应该难食都会有个谱，于是就唔理咁多，坐底先算。可能系星期日嘅关系，好多人都系食紧早餐，而我就点了一个切腩鱼片鼓油捞粗加冻奶茶。虽然客人很多，但都唔算得太耐。是因为太肚饿吗？我吃了一口捞面觉得好好味。个汁同D面超配，而份量亦很大碟。牛腩都ok，如果切细嚿D先上碟会更好。至于鱼蛋方面，我不得不讲够鱼旦真系有鱼味，但绝唔腥，赞！不过个奶茶就一般咗D，落单讲明要少冰、少甜，但送到上枱，系同正常一样，因为本身杯奶茶已偏淡（可能我饮得比较浓味的），所以只好自己整走D冰。埋单都系$48，都几抵，下次有机会会再帮衬。