簡單味道

营业中

休息中

间唔中都会食下呢间小菜 **部分图片进食期间影嘅所以比实际份量少 大部份套餐60至88 包埋例汤或自家制凉茶， 全部少味精唔油真材实料份量又ok。 每星期餐牌都唔同有时有啲新菜式， 今日老板娘推荐1。鱼翅头姬松茸炖鸭汤 $98材料好足有成6碗汤同埋四分一只鸭， 饮得出冇味精同埋好香陈皮味。2。 香草猪仔骨配薯格 $78有6条猪仔骨肉好滑味道刚刚好唔会太咸 ，薯格好脆。3。 姜葱蒸龙趸仔 $138 比想像中大条新鲜，蒸到啱啱好鱼肉好滑，同埋佢哋个豉油系自己调冇味精, 原汁原味。餐牌有普通黄花鱼仓鱼马友等等就 78至884。浓虾汤浸娃娃菜 $108 大量新鲜蕃茄再加埋虾同埋蚬肉非常香浓， 呢个菜每次都必叫， 连个汤都要打包返屋企煮乌冬。另外早几日预订咗上汤龙虾， 啖啖肉连壳都𡁻埋， 我敢讲比好多大酒楼都煮得好食 😆😆佢哋自家制凉茶都好出色， 今日饮咗咸柑桔青柠水。。 我觉得呢间嘅出品无论价钱用料都好合理， 而且做街坊生意老板娘同伙记都好有礼貌。