九鼎百味

营业中

休息中

前几日又去熟食中心食嘢，去返上次去过嘅九鼎百味。不过天气比较热今次就唔食火锅，叫咗几个𩠌送饭食。一开始有两款餐前小食：四季豆：清爽，有少少辣几开胃。花生：好脆，送酒一流。冰镇猪手粒 第一碟𩠌好清凉，有少少酒味好开胃，送饭都好夹。猪手充满骨胶原，好味之余又美颜。芦笋炒猪杂 猪杂好丰富，有猪润、猪心、猪肠同埋猪肚。猪肚猪肠好弹牙，猪膶猪心又好入味。乜都试到好抵食。老板介绍佢哋嘅芦笋系来自澳洲，难怪咁清甜爽口。仲有少少三色椒做点缀。吊烧骨 平时食开南乳嘅吊烧骨，呢度做嘢比较特别，系蜜饯花生嘅猪骨。呢个食法好特别，甜排骨加上花生嘅口感，值得一试。而且啲肉质都好松软，啲花生加咗蜜糖有少少似花生糖添。丘比牛柳粒最后仲有呢个牛柳粒，加咗丘比芝麻酱。牛柳粒好多汁，识落都好嫩滑。份量都好大，仲有啲生菜，健康又好味。