有間客棧 (已結業)

古法红烧肉。肉质肥瘦适中，瘦肉爽口甘香，肥肉入口即溶，肥而不腻，酱汁偏甜，份量十足。糖醋鱼。外皮炸到好酥脆，但里面嘅肉质鲜嫩，鱼骨少，啱晒我呢啲怕骨之人。蘸上酸酸甜甜嘅酱汁一齐食，好开胃。水煮牛肉。汤面蒲满辣椒芫茜，尽管只系叫咗小辣，辣味扑鼻，刺激口水分泌。除咗主角牛肉，其他配菜仲有豆卜，芽菜，木耳同薯粉。牛肉爽口嫩滑，豆卜索满汤汁好入味，薯粉弹牙。干煸四季豆。豆质嫩，炒得干身得嚟又唔油腻，恰到好处，口感唔错，美中不足系盐味唔够，略嫌唔够惹味。